Ráðstefnur

Salurinn hefur verið borinn lofi fyrir frábæra aðstöðu til funda-, námskeiðs- og ráðstefnuhalds, enda búinn öllum þeim tækjum sem árangursrík fundarhöld krefjast. Salurinn rúmar 292 manns í sæti, 183 í sal og 109 á svölum. Forrými Salarins rúmar einnig 300 manns. Gott aðgengi er fyrir fatlaða.

Mörg af framsæknari fyrirtækjum landsins hafa notfært sér Salinn í þessu augnarmiði og fer ráðstefnum, fundum og námskeiðum stöðugt fjölgandi. Þau fyrirtæki sem halda hér ráðstefnur eða fundi í fyrsa skiptið panta Salinn aftur og aftur þar sem reynsla þeirra er frábær.

Salurinn er búinn góðum tækjabúnaði

Innifalið í leigugjaldi eru afnot fyrir leigutaka af: 

  • sýningartjald, stærð 3 x 5
  • fartölva með algengustu forritum, sem nýtist með myndvarpanum
  • litskyggnuvél af bestu gerð
  • fullkominn ljósa- og hljóðbúnaður
  • ræðupúlt, panelborð, o.þ.h.

Tæknimaður Salarins

Tæknimaður Salarins hefur yfirumsjón með tækjabúnaði hússins. Hann annast uppsetningu á tækjum, stillingar á ljósa- og hljóðbúnaði og sér um að kynna leigutaka notkun búnaðarins. Hann annast stjórn á ljósum og hljóði á meðan dagskrá stendur yfir og er til taks ef þörf krefur. Ef leigutaki telur nauðsyn á  viðbótar tækjabúnaði skal það gert í samráði við tæknimann og með góðum fyrirvara. Tæknimaður sér einnig um hljóðupptöku sé þess óskað. Gjald fyrir upptöku sem afhendist klippt á geisladiski er 15.000 kr. og 5.000 kr. fyrir viðbótareintök.

Tæknimaður Salarins er Júlíus Jónasson s. 44 17 504 gsm, 894 2552, julius@salurinn.is.

Veitingar

Jóhanna Lára Brynjólfsdóttir veitir upplýsingar varðandi þjónustu.

Tónlistarflutningur

Vel hefur mælst fyrir um að hafa tónlistarflutning við setningu og/eða slit á fundum og ráðstefnum enda hljómgæði Salarins einstök og vel við hæfi að leyfa gestum að njóta hvers einasta tóns. Starfsfólk Salarins er ávallt reiðubúið að ráðleggja og aðstoða við val á viðeigandi tónlistaratriðum.