Kraftmikill kabarett og tælandi tangó | Tíbrá tónleikaröð

25. febrúar 2020
19:30
Miðaverð:
3.900 - 4.400 kr.

Guja Sandholt, Matthildur Anna og Geirþrúður Ása með suðræna stemmningu.

Guja Sandholt mezzo sópran, Matthildur Anna Gísladóttir píanóleikari og Geirþrúður Ása Guðjónsdóttir fiðluleikari flytja nokkrar þekktar og minna þekktar kabarett-, söngleikja- og tangóperlur eftir íslensk og erlend tónskáld. Söngflokkurinn Cabaret Songs eftir Benjamin Britten og vel valin lög eftir Kurt Weill. Lög og tangóar sem Marlene Dietrich, Lotte Lenya og Ute Lemper gerðu fræg eru einnig á efnisskránni svo úr verður seiðandi stemning.

TÓNLEIKAKYNNING KL. 18:30.

Salurinn býður upp á tónleikakynningu í umsjón Friðriks Margrétar-Guðmundssonar í fordyri Salarins fyrir þessa tónleika. Húsið opnar klukkan 18.00 og geta gestir setið í notalegu umhverfi og keypt sér drykki og veitingar. Tónleikakynning hefst klukkan 18.30.

Smelltu hér fyrir nánari upplýsingar um tónleikakynningu.

Tíbrá tónleikaröð er styrkt af Lista- og menningarráði Kópavogs.