Flytjendur eru Rúnar Óskarsson klarínetta, Helga Bryndís Magnúsdóttir píanó, Sigurður Bjarki Gunnarsson selló og Strokkvartettinn Siggi.
Verkefnið hófst sem Tíbrártónleikar í Salnum og er nú komið út á tvöföldum geisladiski og á streymisveitur í útgáfu Sono Luminus.
Þar eru þau fjögur verk sem Johannes Brahms samdi fyrir klarínettu á síðustu árum ævi sinnar, tvær sónötur fyrir klarínettu og píanó, tríó fyrir klarínettu, selló og píanó og kvintett fyrir klarínettu og strengjakvartett.
Til að fagna útgáfunni verður leikið brot af því besta og aðgangur er ókeypis.
