Fyrst stíga á stokk húmoristarnir og tónlistarmennirnir í Hundur í Óskilum. Þeir Hjörleifur Hjartarson og Eiríkur Stephensen hafa um árabil skemmt landanum með skemmtilegum ábreiðum og gríni. Eftir velgengni sýningarinnar Niflungahringurinn allur í Borgarleikhúsinu bættist í hópinn þegar dúettinn varð að tríói. Nýjasta viðbótin er leik- og söngkonan óviðjafnanlega Katla Margrét Þorgeirsdóttir. Það verður mikið stuð og hlátur á þessum fyrstu Sumartónum.
Sumartónar í Salnum, sem hét áður Sumardjazz, hefur slegið hefur rækilega í gegn síðastliðin ár. Fjölbreyttar tónlistarupplifanir þar sem ýmsar tónlistarstefnur fá að njóta sín.
Tónleikarnir fara fram á fimmtudögum í júní kl. 17:00 og eru um klukkustundar langir.
Dagskrá Sumartóna:
4. júní – Hundur í óskilum
11. júní – LÓN
18. júní – Hildur Vala og synir
25. júní – Góss
Aðgangur er ókeypis og öll hjartanlega velkomin á meðan húsrúm leyfir.
Léttar veitingar verða til sölu.
Sjáumst í sumarfíling í Salnum!
