Töfrandi jólaævintýri fyrir alla fjölskylduna
Hvað þarf til að bræða hjarta manns sem hefur gleymt því hvernig á að elska?
Í Lundúnum fyrir rúmri öld býr Ebenezer Scrooge, ríkur en afskaplega nískur maður sem hefur litla þolinmæði fyrir jólunum og enn minni fyrir fólkinu í kringum sig.
En á aðfangadagskvöld tekur líf hans óvænta stefnu.
Þegar klukkan slær tólf hefst undarleg og ævintýraleg ferð þar sem fortíð, nútíð og framtíð leiða Scrooge á vit minninga, gleði og þess sem raunverulega skiptir máli.
Jólanótt Scrooge er ný, íslensk leikgerð Níels Thibaud Girerd á hinni sígildu jólasögu Charles Dickens, A Christmas Carol.
Hér lifnar sagan við með leik, söng, tónlist, húmor og töfrum í hlýlegri leiksýningu fyrir alla fjölskylduna.
Saga um einmanaleika og vináttu, missi og von — og þá dásamlegu staðreynd að það er aldrei of seint að breytast.
Sýningin er um 50 mínútur að lengd.
Frumsýnt 5. desember 2026 í Salnum í Kópavogi.
