Heillandi einleiksverk eftir Johann Sebastian Bach og Paul Hindemith hljóma á þessum hádegistónleikum Huldu Jónsdóttur fiðluleikara.
Aðgangur er ókeypis og öll hjartanlega velkomin.
————–
Efnisskrá:
J.S. Bach (1685-1750)
Partíta í h-moll fyrir einleiksfiðlu BWV 1002 (1720)
Allemanda – Double
Corrente – Double (Presto)
Sarabande – Double
Tempo di Borea – Double
Paul Hindemith (1895-1963)
Sónata fyrir einleiksfiðlu op. 31 no. 1 (1924)
Sehr lebhafte Achtel
Sehr langsame Viertel
Sehr lebhafte Viertel
Intermezzo, Lied
Prestissimo
Hulda Jónsdóttir er fædd 1991 og hóf fiðlunám í Reykjavík fjögurra ára gömul. Vorið 2009 lauk hún diplómaprófi frá Listaháskóla Íslands undir handleiðslu Guðnýjar Guðmundsdóttir og hóf haustið 2009 nám við The Juilliard School í New York. Hún nam þar í borg um sex ára skeið hjá Robert Mann, David Chan og Laurie Smukler og lauk Master of Music gráðu frá Juilliard vorið 2015.
Að námi loknu starfaði Hulda í Þýskalandi og lék m.a. vetrarlangt með Ensemble Resonanz, staðarlistamönnum Elbphilharmonie í Hamburg og um tíma með Philharmonisches Staatsorchester Hamburg.
Sem einleikari og kammertónlistarmaður hefur hún tvívegis leikið einleik með Sinfóníuhljómsveit Íslands.
Hulda Jónsdóttir gegnir stöðu uppfærslumanns 2. fiðlu við Det Kongelige Kapel (Konunglegu Dönsku Sinfóníuhljómsveitarinnar) í Kaupmannahöfn. Auk starfsins hjá Kongelige Kapel leikur hún með strengjakvintettinum Wooden Elephant, en sá hópur sérhæfir sig í að takast á við verk eftir tónlistarmenn úr öðrum geirum en hinum klassíska. Kvintettinn hefur vakið töluverða athygli og fengið tækifæri til að leika í virtum tónleikasölum og hátíðum í Evrópu við góðan orðstír.
Nýverið starfaði hópurinn með Ballet am Rhein og danshöfundinun Gil Harush, kom fram með bandarísku listakonunni Moor Mother og Beethovenorchester Bonn, lék á Days Off hátíð Philharmonie de Paris, Verbier Festival í Sviss og á útvarpstónleikum fyrir Bayerischer Rundfunk.
