Salurinn kallar eftir hugmyndum að tónverkum fyrir barnakór sem frumflutt verða haustið 2024 í tilefni af 25 ára afmæli Salarins. Undirliggjandi stef eru tímamót og fögnuður en að öðru leyti hafa tónskáldin frjálsar hendur.
Aðilar af öllum kynjum eru hvött til að sækja um, óháð aldri. Umsækjendur skulu hafa reynslu af tónsmíðum sem nýtist þeim við gerð verksins.
Sérstök valnefnd mun fara yfir innsendar umsóknir og mun svar liggja fyrir í síðasta lagi 1. desember.
Greitt er fyrir tónsmíðarnar samkvæmt taxta Tónskáldafélags Íslands.
Tónskáld skulu senda hugmynd að verki (max 400 orð) og stutta kynningu á umsækjenda á netfang Salarins: salurinn@salurinn.is
Umsóknarfrestur er til og með 17. nóvember 2023.
