Tónlist Skúla Sverrissonar er í forgrunni þessara tónleika en Skúli á að baki magnaðan feril sem tónskáld og bassaleikari. Tónlist Skúla býr yfir tærum einfaldleika sem höfðar til breiðs hlustendahóps en nýstárleg meðhöndlun hans á hljómum, takti og laglínum gerir verkin jafnframt einstaklega bitastæð og djúp.
Hljóðheimur Skúla er stór, allt að því sinfónískur, og hentar því hlýjum og voldugum hljóðheimi Salarins einstaklega vel. Hér stígur Skúli fram ásamt tveimur af sínum nánustu samstarfsmönnum, þeim Ólöfu Arnalds og Davíð Þór Jónssyni sem bæði eru í hópi fjölhæfustu tónlistarmanna landsins.
Á undan tónleikunum, klukkan 13:00, verður boðið upp á spjall um efnisskrá tónleikanna í fordyri Salarins.
Ný tónlist eftir Skúla Sverrisson við ljóð Ólafar Arnalds. Flytjendur auk Skúla eru þau Davíð Þór Jónsson og Ólöf Arnalds.
Tónleikarnir eru styrktir af lista- og menningarráði Kópavogsbæjar.
