MIMRA fagnar útgáfu plötunnar Finding Place í Salnum þann 1. apríl næstkomandi. Öllu verður til tjaldað á þessum upptöku- og útgáfutónleikum ásamt hljómsveit.
Miðasala á tix.is
MIMRA vann að stuttskífunni Finding Place ásamt Stefáni Erni Gunnlaugssyni í Stúdíó Bambus og fjölmörgum hæfileikaríkum listamönnum á síðasta ári, en platan kemur út í heild á streymiveitum þann 1. apríl. Nú þegar hafa lögin Sister, Out of the dark og Easy to choose litið dagsins ljós.
Platan verður flutt í heild sinni á tónleikunum ásamt breiðu úrvali af áður útgefinni tónlist MIMRU. Þetta er viðburður sem enginn má láta fram hjá sér fara.
Hljómsveitina skipa Stefán Örn Gunnlaugsson, Sólrún Mjöll Kjartansdóttir, Helga Ragnarsdóttir, Sam Pegg, Sylvía Hlynsdóttir og Elvar Bragi Kristjónsson.
MIMRA er hugarfóstur söngkonunnar og lagahöfundarins Maríu Magnúsdóttur. MIMRA steig fram á sjónarsviðið með útgáfu plötunnar Sinking Island árið 2017. Plötunni var fylgt eftir með tónleikum og MIMRA Roadtrip Tour umhverfis landið árið 2018. Síðan þá hefur MIMRA haldið áfram að heilla hlustendur með tónlist sinni, sem er fínofin blanda af alternative folk-popptónlist þar sem áhrifa raftónlistar og jazz gætir.
SPOTIFY https://sptfy.com/mimramusic
HEIMASÍÐA www.mimramusic.com
FACEBOOK www.facebook.com/mimramusic
INSTAGRAM www.instagram.com/mimramusic
YOUTUBE www.youtube.com/c/MIMRA
Tónleikarnir eru styrktir af Tónlistarsjóði Rannís og Lista- og menningarsjóði Kópavogs.
