30. nóv 13:30

Óvænt svörun

Cauda Collective flytur glæný verk eftir fjögur spennandi tónskáld.

Áskrifta- og miðasala á Tíbrá er hafin. Áskriftarkort á átta magnaða Tíbrártónleika kostar aðeins 18.000 krónur.


Á þessum tónleikum hljóma glænýjar tónsmíðar eftir tónlistarfólk sem á að baki litríkan feril í heimum spunatónlistar, jazz-, popp- og raftónlistar, þau Hafdísi Bjarnadóttur, gítarleikara og tónskáld, Hauk Gröndal, klarinet- og saxófónleikara og tónskáld, Samúel J. Samúelsson, básúnuleikara og tónskáld og Sigrúnu Jónsdóttur, básúnuleikara, söngkonu og tónskáld.

Tónlistin er samin sérstaklega fyrir Cauda Collective sem er að þessu sinni skipuð þeim Björk Níelsdóttur, söngkonu, Sigrúnu Harðardóttur á fiðlu, Þóru Margréti Sveinsdóttur á víólu og Þórdísi Gerði Jónsdóttur á selló.


Cauda Collective hefur vakið eftirtekt fyrir nýstárlegt efnisval og skapandi nálgun við tónleikaformið en hópurinn hefur starfað frá árinu 2018, komið fram á ótal tónleikum og tónlistarhátíðum, hérlendis og erlendis við frábærar undirtektir. 

Tónleikar Caudu Collective fléttast gjarnan í kringum ákveðin stef eða þemu þar sem aldagömul tónlist er sett í nýtt og frjótt samhengi auk þess sem nýsköpun hefur skipað veigamikinn sess á efnisskrám hópsins.  Cauda Collective hefur unnið náið með tónskáldum úr ólíkum áttum, má þar nefna tónskáld svo sem Báru Gísladóttur, Mugison, Ragnhildi Gísladóttur og Úlf Eldjárn auk fjölda annarra.

Á undan tónleikunum verður boðið upp á tónleikaspjall klukkan 12:30. Aðgangur á spjallið er ókeypis og öll velkomin.

Tónleikarnir eru styrktir af lista- og menningarráði Kópavogsbæjar.


Tónleikaröðin Tíbrá hefur fest sig í sessi hjá tónlistarunnendum sem ómissandi hluti af klassískri tónlistarsenu landsins. Með Tíbrá leitast Salurinn við að bjóða upp á lifandi tónlistarflutning þar sem hefðbundnum klassískum tónleikum er teflt saman við tilraunir, nýja nálgun og jafnvel ögrun við tónleikaformið. Tónleikaröðin er kjörinn vettvangur fyrir unga tónlistarmenn sem eru að stíga sín fyrstu skref í tónlistarheiminum jafnt sem reynda tónlistarmenn sem hafa gert garðinn frægan innan sem utan landsteinanna.
Við val á verkefnum er sérstaklega horft til nýsköpunar og frumlegrar nálgunar á klassískt höfundarverk.

FRAM KOMA

Björk Níelsdóttir

söngkona

Hafdís Bjarnadóttir

tónskáld

Haukur Gröndal

tónskáld

Samúel J. Samúelsson

tónskáld

Sigrún Harðardóttir

fiðla

Sigrún Jónsdóttir

tónskáld

Þórdís Gerður Jónsdóttir

selló

Deildu þessum viðburði

27. apr / kl. 13:30

18. maí / kl. 13:30

Sjá meira

Sjá meira

ÞÚ GÆTIR HAFT ÁHUGA Á

Sjá meira