Dagana 23. – 25. maí býðst tónlistarfólki og tónlistarnemum að sækja tónlistarsmiðjur hjá íslensku og pólsku jazz- og spunatónlistarfólki í fremstu röð. Smiðjurnar fara fram í Salnum og eru liður í pólsk-íslensku verkefni sem snýst um að efla samstarf og tengslanet íslenskrar og pólskrar jazztónlistarsenu. Þátttaka er nemendum að kostnaðarlausu en takmarkaður fjöldi kemst að.
Tónlistarfólk frá Póllandi og Íslandi mun deila þekkingu sinni hvað varðar tónlistarflutning og sviðsreynslu sem og þáttum sem snúa að tónlistarbransanum í víðara samhengi.
Til þess að sækja um þarf að senda stuttan póst (ekki meira en 200 orð) með upplýsingum um nafn, aldur, tónlistarnám og tónlistarbakgrunn. Smiðjurnar verða allar teknar upp og síðar settar á netið. Með umsókninni lýsir þátttakandi yfir samþykki varðandi upptöku.
Vinsamlegast sendið póst á ensku á workshops@plateaux.pl
Dagskráin er sem hér segir:
Þriðjudagur 23. maí 2023
13:00 – 14:30 Tónlistarsmiðja með Maciej Kądziela, saxófónleikara
14:45 – 16:15 Tónlistarsmiðja með Birgi Steini Theodórssyni, kontrabassaleikara
Miðvikudagur 24. maí 2023
13:00 – 14:30 Tónlistarsmiðja með Rebekku Blöndal, söngkonu
14:45-16:15 Tónlistarsmiðja með Agnari Má Magnússyni, píanóleikara
Fimmtudagur 25. maí 2023
13:00 – 14:30 Tónlistarsmiðja með Kasia Pietrzko, píanóleikara
14:45-16:15 Tónlistarsmiðja með Matthíasi Hemstock, slagverksleikara
