Söngkona Góss og Hjaltalín mætir enn og aftur í Salinn og tekur upp þráðinn frá því síðast. Sigríður Thorlacíus er ein ástsælasta söngkona landsins og er jafnvíg á hinar ýmsu tónlistarstefnur. Hún heldur jafnmikið upp á Aravísur og gömul, frönsk Eurovisionlög og það verður fróðlegt að vita hvað hún tekur upp úr gullkistunni þegar hún heilsar upp á Jón Ólafsson.
Jón Ólafs snýr aftur með spjalltónleikaröðina sína, Af fingrum fram. Röðin hefur fyrir löngu fest sig í sessi hjá tónlistarunnendum landsins en Jón hefur á síðastliðnum fimmtán árum fengið til sín yfir 50 listamenn og hafa fleiri en 30.000 áhorfendur hrifist og hlegið með á þessum einstöku kvöldum Í Salnum.
